Reforma në Drejtësi, Kuvendi mblidhet në seancë të jashtëzakonshme

439

Parlamenti shqiptar do të mblidhet të hënën pas dite në një seancë të jashtëzakonshme plenare, ku pritet të ngrihet Komisionit ad-hock, që miraton anëtarët e institucioneve të vettingut. Anëtarët e komisionit do të zgjidhen prej listës së dorëzuar nga Avokati i Popullit dhe kontrolluar nga operacioni ndërkombëtar i monitorimit.

Sipas ligjit “Brenda tre ditëve nga marrja e listës së kandidatëve, të cilët i plotësojnë kriteret formale, listës së kandidatëve, të cilët nuk i plotësojnë kriteret formale dhe listës së rekomandimeve të Operacionit Ndërkombëtar të Monitorimit, Kuvendi krijon një komision ad-hoc me gjashtë anëtarë të ndarë në mënyrë të barabartë midis shumicës dhe pakicës parlamentare”, transmeton rtsh.al.
Bojkoti i parlamentit nga opozita e djathtë ka vënë në dyshim miratimin e komisionit ad-hock. Sipas disa analistëve proçesi i reformës në drejtësi, nuk mund të bllokohet, pasi sipas tyre një pjesë e opozitës do të të jete e pranishme në parlament. Fjala është për deputetët e PDIU. Por nga ana e saj PD ka deklaruar kjo parti nuk është në oozitës pasi ajo është pjesë e mazhorancës dhe përfaqësohet në kabinetin qeveritar.