Fushë – Bulqizë, 11 vjeçari humb jetën nga plasja e granatës

4920

Një ngjarje e rëndë ka ndodhur në fshatin Koçaj të Njësisë Administrative Fushë-Bulqizë, ku një 11 vjeçar ka humbur jetën teksa po luante me të motrën dhe ka hasur në një granatë dore.

Ngjarja ka ndodhur pasditen e së premtes, ku sipas Policisë së Shtetit dy fëmijët, motër dhe vëlla përkatësisht 9 dhe 11 vjeç, kanë gjetur një granatë në përrua dhe duke luajtur, dyshohet se granata ka plasur.

Për pasojë i mituri 11-vjeçar ka humbur jetën ndërsa e motra është transportuar për në spital.