Një aksident i rëndë automobilistik ka ndodhur rreth orës 18:20 në qytetin e Bulqizës, ku si pasojë ka humbur jetë një vajzë 10 vjeçe dhe ka mbetur e lënduar një grua.
Ngjarja ka ndodhur në afërsi të hipotekës, në rrugën lidhëse ndërmjet lagjes së re dhe lagjes së vjetër. “Shtetasi Z. Sh., duke drejtuar automjetin e tij, dyshohet se ka humbur kontrollin dhe për pasojë ka aksidentuar dy këmbësore.” thuhet në njoftimin e DVP Dibër.
E mitura është transportuar në gjendje të rëndë në Spitalin Bashkiak të Bulqizës, por nuk i ka shpëtuar dot plagëve të marra duke ndërruar jetë. Ndërsa gruaja e aksidentuar është transportuar me helikopter për në spitalin e Traumës në Tiranë.
Policia ka shoqëruar në Komisariatin e Bulqizës drejtuesin e mjetit për kryerjen e veprimeve të mëtejshme hetimore.
