Një automjet është gjendur i hedhur në shkurre pranë liqenit të Shkopet mëngjesin e së shtunës.
Mësohet se kanë qenë kalimtarët e rastit të cilët kanë parë automjetin dhe kanë njoftuar menjëherë policinë.
Në verifikimet paraprake nga leja e qarkullimit të automjetit që ndodhej në të, ka rezultuar se mjeti është denoncuar si i vjedhur në Krujë në vitin 2020.
Dyshohet se automjeti tip “Honda” është përdorur në disa ngjarje kriminale, ndërsa është tentuar të hidhej të liqen, por ka ngecur në bimësinë e dendur me shkurre.
Në spitalin e Burrelit dhe atë të Kurbinit nuk është paraqitur asnjë person për të marrë ndihmë mjekësore si paojë e ndonjë aksidenti rrugor.
